ការិយាល័យផលិតកម្ម និងបសុព្យាបាលក្នុងថ្ងៃទី 31-08-2018 ក. ក្រុងតាខ្មៅៈ បានចុះពិនិត្យការដាក់តាំងលក់សាច់ របស់អាជីវករនៅផ្សារតាខ្មៅចាស់ និងបានជំរុញឲ្យអាជីវករយល់ដឹងពីបញ្ហា ជំងឺឆ្លង អនាម័យ ដើម្បីសុវត្ថភាពដល់អ្នកប្រើប្រាស់។ ខ. ស្រុកអង្គស្នួលៈ សហការជាមួយភ្នាក់ងារសុខភាពសត្វភូមិ បានចុះអនុត្តការចាក់ថ្នាំការពារជម្ងឺសារទឹកគោ ក្របី នៅភូមិដំណាក់អំពិ ឃុំដំណាក់អំពិ ។ ជាលទ្ធផលក្រុមការងារអនុវត្តចាក់គោបានចំនួន ៧៥ ក្បាល ។ គ. ស្រុកកៀនស្វាយៈ បានចុះត្រួតពិនិត្យកន្លែងទីទួលសុវត្ថិភាពសំរាប់ គោ ក្របី បក្សី ដើម្បីជំលៀសការលិចលង់ទឹក នៅភូមិកោះប្រាប់ថ្មី ក្នុងឃុំគគីរ ។ ឃ. ស្រុកកោះធំ បានសហការជាមួយភ្នាក់ងារសុខភាពសត្វភូមិ អាជ្ញាធរភូមិ ពោធិបាន ភូមិព្រែកតារត្ន័ បានចុះចាក់វ៉ាក់សាំងសារទឹកគោ ដែលសម្របសម្រួលលោកមេឃុំពោធិបាន ។ ង. ស្រុកមុខកំពូលៈ រួមជាមួយភ្នាក់ងារសុខភាពសត្វភូមិ បាន បន្ត ចុះធ្វេីការចាក់ថ្នាំការពារជំងឺសារទឹកគោ ក្របី នៅភូមិពោង ឃុំសំបួរមាស ។ ច. ស្រុកស្អាងៈ បានដឹកនាំភ្នាក់ងារសុខភាពសត្វភូមិ ព្រមទាំងមានការសម្របសម្រួលពីអាជ្ញាធរ ភូមិ​ និង​ឃុំ​ បានចុះចាក់វ៉ាក់សាំង​ការពារ​ជម្ងឺសារទឹក និងអុតក្តាម អោយប្រជាពលរដ្ឋ នៅឃុំ​ ស្វាយប្រទាល បាន​គោសរុប 513 ក្បាល ។ ឆ. មន្ត្រីផលិតកម្មនិងបសុព្យាបាលដែលទទួលខុសត្រូវផ្នែកបណ្តុំអាជីវកម្មមាន់(ASPIRE)មានលោកស្រីចែម រដ្ឋា និងលោករី វិភាវី បានចូលរួមប្រជុំជាមួយលោក ហ៊ីង សុគន្ធី ទីប្រឹក្សាសម្របសម្រួលគម្រោង លោក វ៉ាន់ ម៉ូនីកាទីប្រឹក្សាផ្នែកទីផ្សារនិងលោក ហ៊ុល ជិនជុំរដ្ឋា មន្ត្រីក្សេត្រសាស្ត្រស្តីពី ការរៀបចំវេទិការវាងភាគីពាក់ព័ន្ធ(បណ្តុំអ្នកផលិត អ្នកប្រមូលទិញ អ្នកលក់សំភារៈកសិកម្មនិងគ្រឹះស្ថានមីក្រូហិរញ្ញវត្ថុ) ដែលនឹងអនុវត្តន៍នៅស្រុកគោលដៅចំនួន2គឺស្រុកស្អាងនិងស្រុកកោះធំ៖ 1-ថ្ងៃទី04/09/18នៅភូមិតានូឃុំស្អាងភ្នំស្រុកស្អាង 2-ថ្ងៃទី05/09/18នៅសាលាឃុំកំពុងកុងស្រុកកោះធំ អង្គប្រជុំបានពិភាក្សាលើ៖ - ជូនដំណឹងដល់អ្នកពាក់ព័ន្ធនិងកំណត់អ្នកចូលរួមឲ្យច្បាស់លាស់ -បង្ហាញពីគោលបំណងវេទិកា រវាងភាគីពាក់ព័ន្ធ -បង្ហាញពីក្តីរំពឹងទុកវេទិការវាងភាគីពាក់ព័ន្ធ -បទបង្ហាញរបស់ភាគីនីមួយៗ -បង្កើតរចនាសម្ព័ន បែងចែកតួនាទីភារៈកិច្ច លទ្ធផលបានឯកភាពគ្នាតាម កម្មវីធីដែលបានគ្រោងទុក